ربـــــع ضـــــارب

لقاءللمعاقيين الايتام

2009-04-04T10:14:00.004+02:00

سيكون ان شاء الله تعالى يوم الجمعه 10/4

من الساعة 12 ظهرا الى الساعة3

للقاء المعاقين الايتام بجمعية التثقيف الفكرى بحى الزهور ببورسعيد

فى جمعية اهلية غير مهتم بها

بها العديد من الاطفال اللى بجد محتاجين مساعدتكم معاقين وقست عليها الحياة بأن اصبحوا ايتام

الجمعية بها اكثر من 100 حالة اعاقة فى الاغلب ذهنية

مقيم بها حوالى 40 حالة بصفة مستمرة منهم اكثر من 15 حالة مرضية

والناس دى فعلا محتاجة المساعدة وتستحقها لان حالتهم بجد صعبة جدا ومساكين لاقصى درجة

وللاسف لو خرجوا للشارع بيتم استغلالهم بأبشع الطرق

الحالات اللى هنقابلها ان شاء الله فيهم 23 فتاة من سن 8 سنوات الى سن 45 سنه

ومنهم 17 شاب من سن 11 سنة الى سن 26 سنه

لكم انن تتخيلوا هذا العدد من المعاقين ما بين اعاقة كاملة واعاقة بسيطة ومدى احتياجهم للمساعدة

ومدى احتياجهم لكل شئ يعينهم على الحياة فى منهم حالات مرضية بجانب الاعاقة

زى اسلام 11 عام لايتحكم بنفسة ويحتاج بامبرز مقاس (L)

وزى اسراء 22 سنة التى تعانى حالة مرضية

وزى على سويلم لا يستطيع الحركة الا على كرسى متحرك ولا الرؤية

بجد ناس محتاجة كل حاجة مننا واى حاجة لانهم ليهم حق علينا اللى يقدر بجد على حاجة يساعدهم بيها

حتى الملابس المستعملة او الاحذية او فوط

كور الجلة 2/4/3كجم لان بهم رياضيين

كاسيت او ديفيدى للتعلم عليه او الترفيه

و كور للعب

ميكروفون لاسلكى

تربيزة تنس طاولة

بازل كتب تلوين الوان العاب تكوين او مكعبات العاب ذكاء

راكت مظلة صلصال

حلوى عصاير اللى تقدروا عليه

مقاسات الناس 2 S بنتين

8 M نصفهم ولاد

12 L منهم 8 بنات

7 XL منهم اربعة فتايات

11 XXL منهم 6 شباب

----------------------------

بعد اللقاء ان شاء الله هنتغدى سوا فى مكان ان شاء الله يعجبكم
ونتكلم ويكون لقاء تدوينى جميل
رقم التلفون للى هيجى
0188047779
لو سمحتموا بس اللى هيجى يقولى عشان اقدر احجز
باقى اليوم على العدد
يارب نتجمع ونبقى كتير
ونحاول نعمل خير

يوم الجمعة فى الاسماعيلية

2009-01-12T15:58:00.004+02:00

يوم الجمعة الجاية16 باذن الله فى زيارة للجرحى الفلسطنين بمستشفى الجامعة بالاسماعيلية وحيكون ا لتجمع الساعة 11 امام البوابة الرئيسية

للمستشفى وعدد الجرحى 19 منهم سيدة فى 59 وبنت 17 سنة فى العناية المركزة والباقى رجال من عمر17 الى40 والتبرعات حتكون عبارة

عن تبرعات مادية او ملابس او عصائر او معلبات ويا ريت اللى حيحضر يبلغنى او يبلغ نهر الحب مدونة اوتار

سلام من ربع ضارب

اليوم واليوم فقط اشعر بالانتماء

2009-01-03T18:03:00.011+02:00

من وقت ما حصل القذف الاسرائلى على غزة وانا حولت اكتب بس ساعات بيبقى الكلام عن الجراح صعب اوى لحد النهاردة والنهاردة بالذات لما حولت انى اسال عن صديق ليا من غزة شوفته اون لاين وكنت عايزة اطمن عليه مش اكتر وحاولت اساله عن احاوله واحاول اهل غزة ولو فى اى حاجة ممكن نقدمها خصوصا وانى اعرف رئيس الهلال الاحمر فى بورسعيد وكانت ايناس(نهر الحب)كلمته على اننا نوحد جهودنا معاهم انا اكيد كنت سامعة عن رد فعل العرب تجاه مصر واتهامهم ليها بالعمالة وكل الكلام ده بس فى نفس الوقت كنت فاكرة انهم عارفين اكيد ان كل التصريحات اللى خرجت من مصر متعبرش غير عن القيادة السياسية وان التوجه الشعبى غير كده خلاص وانا الشعب لا نقة له ولا غنم فى كل التصريحات دى او فى تاخير المعونات الغذائية عن قطاع غزة بس النهاردة وبعد ما كلمت احمد (18سنة) ورد عليا رد صعب اوى قالى احنا ما عايزين حاجة من حدا خالونا بحالنا حسييت بانى صغيرة اوى اول مرة احس انى بالعار لانى مصرية رغم الغلا والفساد وهدر الحقوق الناس بردوا كان عندها امل فى البلدى كنا بنلعانها ورغم كدا ما نقبلش عليها كلمة زى ما بيقلوا كدا ادعى على ولدى انما انها تصغرنا اوى لما احس انهم شايفنا ناس واقفين نتفرج ببرود عليهم وهما بيموتوا لما نكون اتجردنا قدامهم ومن قبلهم قدام نفسنا من انسانيتنا ولا بقى عندنا معنى لاخوة الدين والوطن والعروبة يبقى احسن لى وليكم تمسحوا خانة الجنسية من البطاقة وبناقص منها شعارات مصر هى امى لان الام اللى تجيب لعيالها العار يبقى قلتها احسن علشان كده اليوم واليوم فقط اشعر بالانتماء

نفسى اتجن

2008-11-29T00:34:00.006+02:00

مش عارفة حاسة بضيق وخنقة مش عارفة ليه الواحد مش قادر يحس بالسعادة اللى كان حاسسها من ست او عشر سنين ليه كل ما بنكبر كل ما مساحة السعادة فى حياتنا بتقل هى دى ضريبة المعرفة للحياة يمكن ده اللى اكتشفته مع الوقت كل ما بتتعامل فى الدنيا بتكشفلك الجانب المحبط والكئيب منها يمكن زمان كانت ابسط الحاجات ممكن تفرحنى مجرد تمشية مع اصاحبى فى ثانوى او الكلية ممكن تكون منتهى السعادة كانت الدنيا اهدى كانت المسئوليات اقل كان احساس الامان ارسخ ما كناش بنفكر فى بكرة ولا كنا عايزين نعرفه ولا نعرف الدنيا مخبية لينا ايه كنت حابة نفسى اكتر من كده ومرتاحة معاها كنا بنفرح لحاجات يمكن نفتكرها دلوقتى تفاهة كان ممكن افرح لما القى شريط كنت عايزة اشتريه كانت الدنيا ملائكية ولا احنا اللى كنا ملايكة يمكن ما بقيناش شياطين بس حاسة انى بقيت بشر مكتوب عليه كل اللى اتكتب على كل البشر من الالم دموعى بقيت جوايا ويمكن اصعب الدموع هى اللى بتيقى جواك هى اللى بتتحجر حاسة انى اتغيرت بقيت اكتر عصبية وقابلة للاستفزاز ومتحفزة لقل كلمة والاصعب انى معندتش بعرف اسامح

بقيت اسهل حاجة باعملها انى اتجنب اللى بيجرحنى سواء كان عن قصد او عن دون قصد ويمكن دى بقيت حاجة بتضايقنى اوى فىنفسى غصب عنى والله بقيت بخاف من بكرة اوى كل احساسى بالامن راح حاسة انى مش ساندة على حاجة معدش عندى ثقة فى حاجة ولا فى حد لو الحاجة ما عملتاش بنفسى تبقى بالنسبة ليا ما تعملتش

الحاجة لازم اشوفها بعينى او اسمعها بودينى علشان اصدقها وصلت لمنتهى الشك والريبة من الناس اصحابى بقم يتعدوا على الصوابع رغم انى طول عمرى اجتماعية جدا بقيت بخاف من التعامل مع الناس اوى معندتش قادرة استمتع باى متع فى الحياة حتى ابسطها الضحكة بقيت عزيزة وحتى بتبقى خارجة مجروحة بقى عندىارق شبه مزمن

علشان كده خدوا كل اللى اتعلمته وادونى لحظة سعادة لو السعادة فى الزمن ده بتساوى الجنون انا مستعدة اتجن ايه فايدة عقل جايب لصاحبه التعاسة بحقد على كل المجانين يا رب لو هما فى راحة يبقى اسالك تناولهالى الراحة اللى هما فيها

سلام من ربع ضارب واربع تربع فى القريب العاجل

دعوة لزيارة دار الايتام

2008-11-03T02:08:00.015+02:00

دعوة للمدونين وغير المدونين لزيارة دار الايتام ببورسعيد

ذلك يوم الجمعة الموافق 14 نوفمبر من الساعة 12الى الساعة2 ظهرا

ومكان الزيارة حيكون

باذن الله الجمعية النسائية لتحسين الصحة(المؤسسة الايوائية)

بورسعيد- شارع كسرى المنطقة الثانية- امام قسم شرطة المناخ

**************************************

اعمار الاطفال فى الدار تتراوح بين سن 3سنوات و21 سنة

اكثريتهم من سن 6 الى 15 سنة سواء من البنين او البنات

********************************************

الدار بتقدم جهود ملحوظة لخدمة الاطفال دول بس فى بعض الاحتياجات

واللى ان شاء الله نحاول نساهم ولو بشكل بسيط فى تقدمها

**********************************************

والاحتياجات دى ممثلة فى:

1- أدوات مدرسية(كشاكيل_كراسات_الالوان خشب وشمع وفلوماستر-كراسات رسم)

2 -أدوية الاطفال(خافض الحرارة-ادوية الكحة- الاسهال-البرد-الصداع)

3-المنظفات والمطهرات(الديتول-الكلور-الفنيك)

4-بعض الاحتياجات النظافة الشخصية(صابون-شامبو-زيت او كريم للشعر)

5-فى احتياج لمكواة ملابس واحدة لو فى امكانية

*****************************************************

والحاجات دى مش فرض دى تتوقف على كل واحد وقدرته ولو حد معندوش الامكانية انه يساهم فيها مش معنى كده أنه

ما يقدرش يحضر ويشارك معانا لان الاطفال دول محتاجين العطف والحنان أكثر وياريت بجد تلبوا دعوتنا دى

وربنا يجعلها فى ميزان حسانتكم اللهم تقبل

*****************************************************

ويا ريت اللى حيشرفنا بالزيارة يدينى خبر او داليا(اهو ده عيبه)او ايناس (مدونة أوتار)

ولحد ما نتقابل سلام من ربببببببببببببببببببببببببببببببببببببببببببببببببببببععععععععععععععععع

ضااااااااااااااااااااااااااااااااااااااارب

حملة لتغير مفاهيم حول الزواج2

2008-10-30T14:06:00.014+02:00

دائما على قناعة بعدم وجود ما يسمى بالثوابت او المسلمات ما لم يكن قد سنها الله تعالى على مخلوقاته واعلم تمام العلم ان الزواج فطرة انسانية فطر الله عليها مخلوقاته تاركا فى هذا مجال لاختيارات الانسان واسبابه ليصبح من اهم الاسئلة التى قد يوجها شخص الى نفسه لماذا اتزوج؟وهو سؤال قلماتجد من يوجه لنفسه وهو مقدم على تجربة الزواج ولوانك فجاءته بهذا السؤال لوجد من الصعوبة ان يحدد اسبابا حتى اصبح من الناس من يحدد اختياره فى الزواج على اسباب سطحية واهية وقد يكون ذلك سبابا لارتفاع معدلات الطلاق وتفاهة اسبابه فمن يستهين بهذه العلاقة الانسانية شديدة العمق وهو مقدم عليها لن يجد بأس فى حل وثاقها فدائما ما ياتى بسهولة يضيع بنفس تلك السهولة

وبعيدا عن من ينساقوا انسياقا الى تلك التجربة سواء بغير ارادتهم او وقوعا تحت ضغوط مجتمعية زائفة وبعيدا عن من الاجوبة التقليدية (الجواز نص الدين_بتجوز علشان استقر_علشان نعمر الكون)

فلنسلك مسلك الاطفال فى بحثهم عن اصل الاشياء لانهم لم يعهدوا الانصياع الى القطيع وان نتسال لماذا يتزوج البشر؟

فى اعتقادى الشخصى البسيط ان الانسان كائن فى احتياج دائم الى الحب والى الاشباع العاطفى والذى يبدا لديه منذ علاقته الاولى بالام فاذا ما مررت سنواته الاولى بصحة نفسية وتم اشباع احياجاته العاطفية من الام فانه عاجلا ام اعاجلا سيصل ان مرحلة عمرية يتم النظر اليه كشخص بالغ مسئول ليقل مجال الاشباع تاركا هذا الطفل فى داخلنا يعانى حرما نا من التدليل والاهتمام هذا اذا افترضنا المرور بطفولة سوية نهيك عن من مروا بطفولات بائسة اوجدت لديى البعض من العقد والانكسارات الكثير بدا بنعدم الثقة بالنفس وصولا لنرجسية والحب المفرط للذات

تلك الدوافع التى تحركنا لبحث عن هذا الحب وذلك الاشباع فى انفسنا ونلمحه فى بدايات الطفولةمن خلال تمركز الطفل حول الذات و انانيته ثم تليها مرحلة يبحث كلنا منا عن هذا الاشباع العاطفى فى طرف اخر

ورحم الله عبد الوهاب مطاوع حينما قال ( ان تراكم مشاعر الحب لدى رجل وامرأة لابد ان يدفعهما بالحاح الى البحث عن الوسيلة التى يستطيعان بها تحقيق امل المحبين الخالد فى ان يتلامسا ويعيشا معا ما بقى من العمر وبالتالى لابد ان يقودهما الى الزواج وهذا هو التغير (الكيفى) فى شكل العلاقة الذى ادى اليه التراكم الكمى فى مشاعر الحب وبهذا المفهوم فان الزواج هو اعلى مراحل الحب وهكذا ينبغى ان يكون وليس الحب هو اعلى مراحل الزواج كما نظن نحن ان الزواج الذى يجمع بين المحبين هو اعلى مراحل الحب وليس كما يزعم بعض الخرقاء قاتلا للحب او شيئا مخالفا له فان الحب بهذا المفهوم هو اعلى مراحل الاستعمار العاطفى لانك حين تحب تستعمرك حبيبتك وتحتل قلبك واراضيك وتلغى استقلالك الشخصى وتمحو نشيدك الوطنى وتحرمك من حق التمثيل الدبلوماسى المنفرد لدى الاشخاص والاسر والاصدقاء الاخرين وهى ايضا حين تحب يستعمرها حبيبها ويشغل قلبها وتفكيرها ويحرمها من ان يكون لها علمها الخاص ونشيدها المستقل والفارق الوحيد بين استعمار الشعوب واستعمار القلوب هو ان الاخير هو الاستعمار الوحيد الذى لايكافح احد لطرده وتحرير التراب منه بل على العكس يكون الجهاد الوطنى فيه لاطالته ومد اجله الى اقسى حد ممكن وعلى حين تحتفل الشعوب بتحريرها من الاستعمار وتخصيص يوما لذلك تسميه يوم الاستقلال تحزن القلوب اذا انتهى استعمارها العاطفى وتنكس الريات وتسمى يوم انتهائه بيوم الحزن على ضياع الحب وافتقاد المشاركة وعودة الاستقلال ان الحب فى النهاية مسئولية كل محب وقد يكون مصيبته وقد يكون سعادته الابدية وقد يقتله المحب بسوء الرعاية بعد الزواج وقد ينميه ويرسخ جذوره فى ارضه فيصمد للزمن ويتحدى الاعاصير القوية واننا نحلم فقط أن بالا يتزوج المرء الا ممن يحب حبا صادقا أو على الاقل ممن يرتاح اليه نفسيا ويامل فى ان يحبه ويجد فى نفسه الاستعداد لحبه بعد الاقتراب منه ومعيشته ونحلم ايضا بان ننظر للزواج ليس كشى لابد منه رغبنا فيه او لم نرغب ولا كمجرد وسيلة للامان والبيت المستقل والخروج من تحت مظلة سلطة الاهل او اللحاق بالقطار قبل ان يغادر محتطه وانما كوسيلة مشروعة للحب والسعادة والاستقرار احلها الله لنا وهيا سبلها ووصفها بارق ما توصف به علاقة انسانية وعاطفية فى اى زمان ومكان فقال انها سكن تسكن اليه الارواح والقلوب ومودة ورحمة يتبادلها الطرفان) ولكننا قد نجد من تزوجوا عن قصص حب وانتهت حياتهم بالفشل واذا تسالنا ان السبب لوجدنا افتقاد ابطال تلك القصص للقناعة التى يحملها كل منهما للاخر فقد يحب الشخص ولكنه حينما يحتك بمن يحب عن قرب يجد اختلافات جوهرية مخيفة تفصل بينهم اختلافات تصل احيانا الى حد التضاد وهى كفيلة بتدمير اعمق وارق واقوى المشاعر اى ماكانت فمنتهى العذاب ان تجد من تحب على طرف نقيض منك وانا هنا لا اتحدث عن التطابق بين شخصان فهو ضرب من العبث انما اتحدث عن تقارب الرؤيا فى القيم واساسيات الحياة وتفهم لطبيعة كل منهما واستيعاب مدى الفروق بين طبيعة الرجل والمراة واحترام تلك الفروق واحترام كل منهما لرغبات الاخر واحتياجاته والعمل على اشباع تلك الاحتياجات واحترام الفروق الناتجة ان اختلاف طبيعة البيئة التى اتى كل منهم منهاواستيعاب كل منهما للادوار التى يقوم بها الاخر كابن او كاخ فى مجال اسرته او ادواره فى محيط العمل وعلاقته فى اطار من الوضوح والثقة وعدم احتياز اى منهما حدود المنطق والاحترام فاى علاقة لكى تنجح لابد ان تنجح بمجهود ورعاية طرفيها والا يركن اى منهما الى احساس بامتلاك الاخر وعدم الجدوة من بذل مجهود فاننا لا نملك احد الا بالكلمة الطيبة و المودة الخالصةلذا تبوء العلاقة بالفشل اذا سيطر الاهمال للعلاقة على طرف مهما حاول الطرف الاخر لنجحها فهى فى النهاية لابد ان تكون رغبة وارادة وجهد طرفى العلاقة معا وفلكى تحصل على شريك متفهم وعقلانى وحنون لابد وان تكون انت فى بداية شريك متفهم وعقلانى وحنون قس فى ذلك على اى صفة اردتها فى شريكك

فالزواج الناجح هو القائم على الحب والقناعة وهو الذى يتم فيه بذل مجهود حتى يتحقق فى نهاية منه الاستقرار النفسى والعقلى والتكامل والاندماج بين طرفيه وليكن نصب اعين من يقدم على تلك الخطوة انه حين كان يحمل فى خانة الحالة الاجتماعية لقب اعزب فانه مسئول عن ذات واحدة الا وهى نفسه وانه باقدامه على تلك التجربة قد اصبح مسئول عن اكثر من ذات واصبح له من الادوار الكثير فلم يعد مسئولا عن سعادته وشقاه فقط وانما تعدى ذلك لسعادة وشقاء من حوله خصوصا اذا اثمر هذا الزواج عن اطفال ابرياءو قد تكون زيارتنا الى ملجا الاطفال قد فتحت اعيننا على حقائق كثيرة فلو ان هولاء الاطفال قد اودعوا تلك الدار لفقدهم الوالدين والاهل لهان ذلك علينا فالموت قدر لا يجوز الاعتراض فيه وانما ما قد حز فى انفسنا وجود اطفال تخلى ذويهم عنهم بمنتهى البساطةومن بعض تلك الحالات من لم يتوافق فيها الام والاب وقرروا الانفصال وبمنتهى الانانية ليصبح فى النهاية هذا الطفل عب عليهم يجب التخلص منه ولو بيدعاه ملجا فاقدا للرعاية والتوجيه والحب وقد تكون تلك الحالات هى الحالات القصوى فى المجتمع ولكن لنتسال كم من الاطفال يشعرون بالضياع واليتم وهم فى كنف ذويهم لعدم اتفاق الام والاب كزوجين من البداية الا يستشعر هؤلاء الاباء كم الاحزان والالام النفسية التى يبثوها فى نفس ابنائهم ان من اروع ما يقدمه اب لابنائه هو ان يحب امهم وان اروع ما تقدمه ام لابنائها ان تحب ابائهم وان يشعروهم دائما برسوخ واستقرار البيت لا بكونه كبيت العنكبوت اهون البيوت وان يستشعر الاباء اثر الخلافات والصراعات فى الابناء سواءضمهم بيت واحد او افترقت بيهم الطرق واصبحت تلك الصراعات فى ظاهرها حبا وحتفاظا بابناءهم وفى باطنها تدميرا لها فى النهاية يجب ان يفكر من يقدم على مشروع الزواج بانها مسئولية وان يتعدى الفكر السطحى السائد وان يجد من شريكه ما يشير ايضا الى تفهمه لتلك المسئولية ففى النهاية يجب ان تكون تجربة تقدم للشخص السعادة والاستقرار والامان النفسى والتوافق العقلى وان تكون دافعا له لنجاح والتقدم وانت تكون الاسرة ظلا ظليلا لافرادها وبخاصة الاطفال حتى لا نجعل ابناءنا ايتام يتما معنويا ونفسيا ونحن على قد الحياة

المرة الجاية باذن الله حكلمكم عن واحدة من ضحايا التفكك الاسرى حكلمك عن زينب

سسسسسسسسسسسسسسسسسسسسسسلالالالالالالالالالالالالالالالالالالالالالالالاممممممممممممممممممممم

من رببببببببببببببببببببببببببببببببع ضارررررررررررررررررررررررررررررررررب

كلنا ليلى

2008-10-22T11:34:00.016+02:00

كتيرمن المدونات اشتركت فى حملة كلنا ليلى سواء المدونات دى للبنات او لشباب ومتهيقلى ان الحملة دى لو نجحت فى تحقيق اهدافها حتكون ركيزة لتحسين العلاقات بين الجنسين على جميع اشكالها

لازم نعترف باننا عايشين فى مجتمع ذكورى صحيح ان الستات فى القرن الماضى قدروا انهم يحققوا جزء من حقوقهم الانسانية الطبيعية زى التعليم والشغل واختيار الشريك ولى كفاله الدين ليها من 1400سنة الا ان ذكورية المجتمع فى الوقت الراهن مش بتمثل بس فى عدم حصول المراءة على الحقوق دى فى المجتعات الفقيرة والريفية انما بتمثل كمان فى-حق الوجود رد فعل الراجل فى المجتمعات المتوسطة

واشكالالتميز بين الراجل والمراءة متعددة:

1_حق الوجود:

من قبل حتى ما تولد فى حرص بعض الاسر على انها تنجب ذكور مش اناث وخصوصا مع المولود الاول والحكاية دى منتشرة اوى فى قرى وجه قبلى وبحرى بس بتكون زيادة شوية عند الوجه القبلى وده يمكن مرجعه لتفكير القبلى والنزعة لاكتساب العزوة بحكم ما تفرضه البيئة الزراعية والصحراويةبالاضافة من النظرة المتدانية الموروثة عن كون المراءة شكل من اشكال الوصم والعار الموروث فى فكر السبى للنساء فى الحروب القابلية والتى كان يرى المجتمع الحل لها قبل الاسلام فى الوء د(واذا الموءودة سئلت (8) باى ذنب قتلت)سورةالتكوير

وهو فكر لم يكون متواجد فى الثقافة العربية فقد انما ظهر فى اوربا ايضا فى القرون الوسطى من خلال النظرة الى المراءة فى كونها مجرد متاع للرجل ووعاء لحمل ابناءه موطن الشياطين ومصدر الفتنة والرزيلة وانها ليست اهلا للثقة وحفظ النفس والعرض حتى انهم ابتكاروا فى تلك العصور ما عرف بحزام العفة وهو طوق يلتف حول خصر المراءة ويحتفظ الزوج بمفتاح ليه

والنظرةالدونية النساء وافضالية الرجال عليهم حتى فى ابسط الحقوق وهو حق الحياة والوجود مش موجودة بس عند الطبقات دى فى ناس بتبقى على درجة عليا من التعليم والمفترض الثقافة بردوا وبتمسك بالافكار دى والاعجب ان الافكار دى ممكن تلاقيها عند الستات احيانا بصورة اكبر من الرجالة سواء كانت الست دى ام او حماه او اخت زوج او سلفة اوحتى عند الزوجة نفسها وان مثلا عندى واحدة قريبة ليا خلفت اربع بنات على امل ان الولد يجى وده اثر بالسلب على صحتها بزيادة الوزن اللى وصلهالمشاكل فى العمود الفقرى ودلوقتى بتعانى اشد المعاناة مع العلم ان زوجها موظف يعنى لا ليه تجارة خايف عليها ولا مهنة شايف انه من الضرورى انه يكون ليه ولد يورثها ليه

2_حق التعليم:

ما نقدرش ننكر ان المراءة وصلت فى بعض الاحيان الى درجات مرتفعة من التعليم ويمكن فى احيان كتير تفوقت على الولد واللى مش مصدق يشوف النسبة بين البنات والولاد فى اولائل الثانوية العامة_ اعدادهم مقارنة ببعض فى كلية القمة ويمكن نتيجة لثقافة الاظطهاد اللى تم ممارستها لعقود طويلة ادى الى حرصها على التميز واثبات ذاتها انما منقدرش ننكر بردوا ان فى لسه مناطق بتشوف ان التعليم ده حق للولد بس وانهم لازم يوجه امكانيتهم المادية لتعليمه دون عن البنت لانها فى وجهة نظرهم مسيرها للجواز والبيت وهى يعنى حتعمل ايه بالتعليم ولو كانوا منفتحين شوية ممكن يسمحوا ليها بالتعليم الاولى او الثانوى على اقصى تقدير فالنسبة المقدرةفى عام 2005 لمن يستطيع القراءة والكتابة فى مصر83%للذكور59,4%للاناث وفقا لكتاب حقائق العالم

طور معدل الأمية (+15 سنة ) خلال الفترة 2003 – 2005

السنة ( فى أول يناير من كل عام )	الذكور	الإناث
2003	22.0	47.0
2004	20.4	45.8
2005	18.3	43.8

المصدر : الجهاز المركزى للتعبئة العامة والإحصاء

3-حق المساواة بين الاخوة رجال ونساء فى الرعاية والاهتمام ومفهوم الخطا والصواب:

وده بيشمل الحق فى التعليم اللى اتكلمنا عنه وحق الرعاية الصحية والبدنية والغذاء بما يتناسب مع طبيعتها وبدون تميز ظالم بنها وبين اخواتها الذكور وكمان عدم اعطاء حق السيطرة من جانب الاخ بشكل مجحف لادمية البنت يعنى زى ما بنعرفه انه ولد وليه حكم وكلمة على اخته لازم نعرفه ان ده مش تشريف قد ما هو تكليف ليه برعايتها والحفاظ عليه والرفق بيها والتفاهم معها علشان ما يتصورش ان الرجولة شخط ونطر وامارةوانها كائن ادنى منه كل مهمته خدمته لانه لو اتربى على المعتقدات دى حيكمل بيها حياته وحيتعامل فى المستقبل مع مراته بنفس المنطق وللاسف ان اللى بيرسخ المفاهيم دى هى الام اللى هى فى النهاية ست ويمكن تكون فى فترة من حايتها عانت من نفس المشكلات

اما المساواة بين الولد والبنت بدا بالكيل بمكيالين فى مفهوم الخطا والصواب والحرام والحلال فللاسف موجودفى مجتمعنا الا من رحم ربى يعنى ممكن الاب شايف ابنه بيكلم بنت فيكون ده سلوك يلاقى استحسان لديه على عكس لو الموقف ده صدر من بنت انا مش مع تبرير مشروعية الخطا للبنت بحجة المساواة قد ما انا مع تحجيم خطا الولد

يعنى لازم يفهم ان البنت دى زيها زى اخته اكيد ليها اب واخوات بردوا هى تهمهم أو الناس اللى رايهاأن لو الولد اتحرش ببنت زى ما بنشوف ونسمع يبقى البنت هى المجرمة المبتذلةواكيد كانت لبسه مش كويس وده بردوا نموذج ممكن نحطه تحت حق المراءة فى احترام جسدها والحيز المكانى للمراءة وعدم امتهانهااو امتهان جسدها سواء بالتحرش اللفظى او الجسدى بالاضافة لتعتيم المجتمعى للحوادث دى سواء من قبل الافراد أومن قبل الشرطة ويمكنده ظهر خلال قضية نهى رشيدىومحاولةالجهاز الامنى

التعتيم على الموضوع لولا اصرارها على الحصول على حقها كان ضاع زى كتير من القضايا بدعوة المحافظة على سمعة البنت من المساس

4_حق اختيار شريك الحياة:

ـ موافقة البكر والثيب على الزواج : وتستأذن البكر على من تقدم لخِطبتها : وإذنها صماتها ، أما الثيب فإنها تستأمر ، لقوله r :"لَا تُنْكَحُ الْأَيِّمُ حَتَّى تُسْتَأْمَرَ وَلَا تُنْكَحُ الْبِكْرُ حَتَّى تُسْتَأْذَنَ قَالُوا يَا رَسُولَ اللَّهِ وَكَيْفَ إِذْنُهَا قَالَ أَنْ تَسْكُتَ " ، وفى صحيح مسلم : "الْبِكْرُ تُسْتَأْذَنُ فِي نَفْسِهَا وَإِذْنُهَا صُمَاتُهَا قَالَ نَعَمْ"

وثبت عنه فى الصحيحين: "أن خنساء بنت حذام زوجها أبوها وهى كارهة وكانت ثيباً فأتت رسول اللهفرد نكاحها

وفى السنن من حديث ابن عباس : "أن جارية بكراً أتت النبىr فذكرت له أن أباها زوجها وهى كارهة فخيرها النبى .

وهذه غير خنساء فهما قضيتان قضى فى إحداهما بتخيير الثيب وقضى فى الأخرى بتخيير البكر

يعنى ده حق كفلته الشريعة الاسلامية للمراءة وتبعاته من زواج ما هم دون السن القانونية فى بعض القرى الريفيةوتشيرالاحصاءيات الى أن36% من إجمالي عدد الزوجات في الأسر الريفية تزوجن في سن أقل من 16 سنة في حين تبلغ نسبة الإناث اللاتي تزوجن دون السن القانونية في الحضر 9.1%، وترجع اسباب تزايد النسبة في الريف إلى رغبة الريفيين في الإكثار من الأولاد وقصر الفاصل الزمني بين الآباء والأبناء والخوف على الشرف والعرض ودعم الروابط الأسرية ورغبة الأباء في تزويج أولادهم مبكرا لإثبات الرجولة وتأكيد السيطرة.

او على النقيض من الممكن ان يكون اضطهاد المراءة فى صورة انكار مبادرتها بالمطالبة بهذا الحق واعتباره نوعا من قلة الادب والحياء وده يمكن ظهر فى رضوض الفعل العنيفةمثلا على مدونة غادة عبد العال(انا عايزة اتجوز)وكانت رضوض الفعل دى من رجال ونساء على السواءلمجرد انه انسانة شايفة وعلى حد تعبرهاأ نها من حقها اخد فرصتها وحريتها الكاملة فى الاختيار دون الوقوع تحت ظغوط مجتمعية

5_حق المراءة داخل موسسة الزواج:

وده موضوع كبير جدا ومتشعب علشان كده انا شفت انى اجمع فيه بين حملة الزواج اللى كنا متكلمين عنها وبين حملة كلنا ليلى علشان يكون فى قدر من العدالة فى وضع حقوق وواجبات الزوجين تجاه بعض

سسسسسسسسسسسسسسسسسسلالالالالالا

من ررررررررررررررررررررربع ضارررررررررررررررررررررررب

الكساد الكبير2008

2008-10-08T14:00:00.011+02:00

امبارح فى برنامج العاشرة مساءا كان ضيف الحلقة الدكتور جلال امين استاذ الاقتصاد بالجامعة الامريكية وكان سبب استضافته فى

البرنامج علشان يشرح للناس الازمة الاقتصادية العالمية واللى بداءت فى 19 من شهر سبتمبر 2008 وكان من اهم صورها انهيار تانى

بنك من حيث الاهمية وحجم المعاملات فى السوق المالية فى امريكا بالاضافة لعدد من البنوك العقاريةوالشركات اللى اضطرت لاعلان

افلاسها او على وشك ده الموضوع بدا لما سوق الاستثمار العقارى فى الولايات المتحدة ازدهار فاغرى عدد من البنوك انها تقدم قروض

عقارية بشكل كبير وموسع وده لان نسبة الفايدة على القروض دى بتكون عالية مقارنة بالفايدة اللى بتقدمها البنوك للمودعين اصحاب

الادخارات دى وبكده يكون الفرق ده هو المكسب اللى بتحقق البنوك لنفسها بالاضافة لرفع الدولة ادها عن مراقبة البنوك ووضع قواعد

محددة وملزمة لحجم الاقراض والائتمان اللى ممكن تقدمه البنوك للسببين دول توسعت البنوك بشكل مفرط فى اعطاء القروض وبخاصة فى

المجال العقارى لدرجة انها ماكنتش بتاخد الضمانات الكافية على الدائنين غير ان بعض شركات التامين دخلت كضامن للدائنين دول عند

البنوك فقدمت وثائق تامنية للبنوك فى محاولة لتقليل نسبة المخاطرة عند البنوك دى المشكلة بقى اتفجرت امتى لما بعض الناس اللى اخدوا

قروض تعسروا فى السداد ولان البنك قدم القروض دى من غير ضمانات تقريبا غبر امكانية حجز البنك على العقار ولان الموضوع ده

محصلش مع واحد او اتنين لا مع عدد كبير اوى فالبنك لقى نفسه بيحجز على اعداد ضخمة من العقارات والبنوك ده لو كان هو المدين

المباشر او بيطالب شركات التامين بالسداد ده لو كانت الشركات دى هى الضامنة وده اتسبب فى اعلان بعض شركات التامين افلاسها

وبشكل ده نزلت اعداد كبيرة من العقارات سوق البيع وزى كلنا ما عارفين ان زيادة العرض مع قلة الطلب بيأدى لانخفاض الاسعار فكان

من الطبيعى ان اسعار العقارات دى تنزل الارض وبكده بردوا البنوك دى مقدرتش تحقق السيولة الكافية اللى بيها تغطى العجز اللى عندها

وبتالى اتجهت البنوك لسياسة تانية وهى تقليل حجم الاقراض وده أدى الى نتاج سلبية على مستويين

1- الاستثمار العقارى:علشان الاستثمار ده كان قام على الناس اللى فى اساس اخدت قروض من البنك تشترى بيها بيوت اوتبنى بيها فلما

البنوك قللت نسبة الاقراض نتيجة للى حصلها الناس اللى كانت حتشترى البيوت بنظام القروض البنكية اعرضت عن ده وبالتالى ده ادى

لمزيد من قلة الطلب وزيادة العرض منما ادى الى انخفاض اسعار العقارات فى صورة اقرب للكساد للاستثمار العقارى

2_الاستثمار الزراعى والصناعى والتجارى: وده لان الاستثمارات دى قايمة فى الاساس على القروض البنكية اللى بتغطىاحتياجات

المشروع سواء تجارى او صناعى او زراعى لحد ما تتم دايرة الانتاج يعنى على سبيل المثال لو فى واحد حينشأ مصنع أو مشروع زراعى

فهو محتاج مكينات أومنشاءات أومواد خام والحاجات دى بيغطى تكليفتها من خلال القروض البنكية لحد ما أنتجه يتحقق ويتباع فيقوم بسداد

القروض بفوايدها علشان كده البنوك لما قللت جحم الاقراض أثر التقليل ده على كل المشروعات وده حيأدى بالتالى لقلة الاستثمارات لان

اى مستثمر او صاحب مشروع مهما كان حجم استثماره فهو محتاج دعم من المؤسسات البنكية والممثل فى القروض

المهم ان الازمة دى شبها البعض بالازمة الاقتصادية اللى حصلت فى ثلا ثينات القرن الماضى وعلى وجه التحديد بداءت فى عام

1929 وانتهت بعد عشر سنوات فى عام 1939 فيما عرف بالكساد الكبيرعلى الرغم من ان الازمة دى سبقها انتعاش اقتصادى

وخصوصا بعد

انتهاء الحرب العالمية الاولى وكان من أبرز نتاج هذا الكساد الركود الاقتصادى وتوقف الانتاج وزيادة عداد البطالة حتى انها

وصلت25%وبسبب التخوفات ده من تكرار السيناريو الخاص بعام 1929 فى اواخر 2008 اضطرت الحكومة الامريكية بالتدخل

لحل الازمة ممثلة فى مساعدات بلغت 700 مليار دولار لهذه الشركات والمؤساسات المالية فى سابق غير معهودة على الفكر الراسمالى

منما أدى لشماتة المؤيدين للفكر الا شتراكى فى ان وجهة ان النظر الاشتراكية فى ضرورة تدخل الدولة فى اقتصاد السوق اوضحت وفى

النهاية صحتها

ومن الواضح ان الازمة الاقتصادية دىكانت تحقيق للاراء اللى شافت ان العولمة هى بداية النهاية وان زى ما انهار النظام الاشتراكى

فىالاتحاد السوفيتى فى عام 1991 فان النظام الراسمالى قد اتم دورة الحياة له بدا من الاقطاع ثم الراسمالية التنافسية ثم الراسمالية

المتوحشة اوما عرف بالعولمة او كما اطلق عليها لينين فى كتابه الامبريالية اعلى مراحل الراسمالية وده لان الولايات المتحدة الامريكية

وحتى لو قدرت انهاتستوعب الموقف وتحجم الخسائر الاقتصادية فى أقل صورة لها فالمحللون الاقتصاديون بيأكدوا بأن الاقتصاد الامريكى

عمره ما يرجع لما كان عليه وأن الدور الاقتصادى لامريكا حيتراجع ومن وراهالدور السياسى والعسكرى ليها

***********************************

ونتجة ارتباط الاقتصادى الاوروبى الوثيق بالاقتصاد الامريكى وبخاصة اقتصاد الانجليزى انهارت بعض المؤساسات المالية فى انجلترا

وفرنسا واسبانيا فى تفاوت وفقا لطبيعة العلاقات الاقتصادية بينها وبين الاقتصاد الامريكى وكل دولة من الدول فى العالم بداءت

تحدد حجم الخسائر اللى لحقت بيها علشان تقدر تحط خطط اقتصادية لحماية نفسها من انياب الازمة القادمة

تعالوا بقى نشوف اللى يهمنا واحنا دورنا ايه فى الليلة دى ما احنا مش حنقضيها احتفالات اكتوبر المجيد

شوفوا الموضوع منقسم لجزئين جزء خاص بالدول العربية وبخاصة دول الخليج والجزء التانى خاص بمصر على وجه التحيد

*******************************************************************************

1_مدى تاثر الدول العربية بالازمة القادمة حيظهر على وجه الخصوص فى دور الخليج وده لان امريكا كانت المستورد الاول للبترول من

دول الخليج وبدام امريكا بتمر بازمة طاحنة اكيد حتقلل حجم الواردات وده حيخلق ازمة عند الدول الخليجة خصوصا وان تقريبا اقتصاد

الدول دى قايم فى الاساس على تصدير البترول ده غير ان ده حيأتثر على حجم الاستثمارات فى الدول وخصوصا الاستثمار الاجنبى

وعلى وجه الدقة الاستثمار فى المجال النفطى والتعدينى

2_نجى بقى لينا معتقدتش ان احنا حنتاثر من ناحية التصدير لاننا فى الاساس تقريبا مش بنصدر حاجة ده حتى القطن المصرى اللى كان

بيتحلف بيه انضرب من القطن الهندى يمكن التأثير حيظهر لاده ظهر فى البورصة المصرية وانهيارات فى الاسهم لبعض الشركات حتى أن

الانخفاض وصل فى 7 اكتوبر 2008 الى 5و16% فى انخفاض غير مسبوق بالاضافة لوقف التداول فى 30 شركة

طيب والحل ايه؟

زى ما حضرنكم عارفين ان الازمة الاقتصادية دى جاءت علشان تكمل الصورة السوداء خصوصا وان سا بقتها ازمة فى الغذاء واللى

اتصدرت الصحف وحولوا يفهمونا ويقنعونا انها ازمة يا عينى دولية وان مش احنا بس اللى بنمر بيها واعتقد ان كلنا لمسنها فى اسعار السلع

فى زمن بقيت الخضار فيه با سعار الفاكهة من سنتين تلاتة مين كان يصدق ان الكوسة ولا البامية يوصل سعرهم لخمسة وستة جنية وده

فى موسمهم امال فى غير موسمهم يبقوا بكام ما علينا

طبعا الناس الغلابة اللى زى وزى حضرتكم اكيد ملهمش علاقة مباشرة بالبورصة ولا حتى بالبورص ولا لينا اكيد علاقة باالمؤساسات

البنكية الخاصة ذات الاستثمارات الاجنبية واللى ولله الحمد مليت البلد لدرجة انك تلاقى بين كل بنك وبنك بنك تالت وده لان البنوك دى مش

تقبل تتعامل مع اى عميل صدق او لاتصدق ودى معلومة مؤكدة لان اعرف واحدة راحت تودع مبلغ مالى اقل من100الف جنيه فى بنك

من دول فالموظف اتعامل معاها على انها سرقاهم وقاعد يخلق لها الحجج والاعذارلعدم قبول البنك الايداع ولما صاحبتى دى سألت واحد

معرفتها بيشتغل فى بنك حكومى قالها الحركات دى الموظف عاملها معاكى علشان يطفشك لان البنوك دى ما بتقبلش مبالغ صغيرة المهم

ان البنوك اللى بالكم فيها دى حيكون عملائها من كبار رجال الاعمال او صغار رجال الاعمال انما اهه اسمهم فى الاول وفى الاخر رجال

اعمال

يعنى مش يكون فيه أثرمباشر على الطبقة المتوسطة وما ادنها التاثير فى الحالة دى حيبقى غير مباشر زى ارتفاع جنونى فى اسعار السلع

سواء السلع الغذائية او السلع المعمرة وخصوصا المستورد منها وده لان من الواضح ان اتفاقية الجات واى اتفاقات افتصاديةحتتوقف بشكل

مؤقت لحين معرفة ما ستاول له الازمة الاقتصادية وقياسا على ازمة1929او ما يعرف بالكساد الكبيراللى فيه وصلت اسعار القطن

المصرى للحضيض حيقل الاستثمار وحتزيد نسبة البطالة اكتر مهى زايدة انما الفايدة الوحيدة اللى خرجت بيها مصر من الازمة ايامها انها

ونتيجة لعدم قدرتها على الاستيراد اجبرت على الانتاج ومحاولة الوصول للاكتفاء الذاتى واعتقد ان الازمة لو تعقدت عن كده مش حيكون

قدامنا غير الموت جوعا او الانتاج وخصوصا وان المعونة الامريكية حتقللها لو ما تلغيهاخالص

غير ان بعض الدول وخصوصا الدول العربية واللى ربطت اقتصادها ولمدة عقود بالاقتصاد الامريكى حتلاقى ونتيجة الازمة دى انها مش

لازم تضع البيض فى سلة واحدة وحتبدا تنوع استثماراتها فى بلد تانية زى الهند وامريكا الجنوبية وده لان الكايانات الصغيرة حتحس ان

الامن ليها فى تجمعها فى كيان اكبر بدل من الاعتماد على كيان كبير قابل للانهيار زى الولايات المتحدة الامريكية ويتسبب فى انهيارها معاه

ويا ريت ده يحصل بين الدول العربية وخصوصا ان سا عتها حيكون الامن للاستثمارات الخليجية انها تستثمر فى المنطقة العربية ولو

تدخل فى المشروعات دى بمصادر الطاقة اللى عندها وبلاد تانية زى مصر وسوريا والاردن تدخل بايدى العاملة والثروات والمواد الخام

والخبرات وده لو كان الاساس فى التعامل ان كل طرف من الاطراف دى محتاج للاخر مش على رؤية فوقية وان اى من الاطراف دى

يحس بالتفوق وبالتعالى عن الاخر وده اللى وصل ت ليه دول اوربا فى الاتحاد الاوروبى فبعد سنين من التطاحن والحروب انتقل تفكرهم

من ان فى السياسةوالاقتصاد مش ضرورة وجود غالب ومغلوب مستغل ومستغ لان الافيد والانجح ان الاتنين يكونوا مستفدين وان ممكن

فى العلاقات السياسية والاقتصادية ان الاتنين يقيدوا بعض

ياريت ربنا يوفقنا كعرب ان احنا نعمل كده وربنا يستر علينا فى الايام اللى جايا

سلالالالالالالالالالالالالالالالالالالالالالالالالالالالالالالالالام من ربع ضارب

حملة لتصحيح مفاهيم حول الزواج

2008-08-09T12:55:00.004+03:00

امبارح كان فى اجتماع لمدونى بورسعيد وبعيدا ان قد ايه الاجتماع كان مثمر و تواجد شخصيات على مستوى عالى من الفكر والثقافة وعلى راسهم ابو خالد صاحب مدونة ذكريات ابو خالد ابونا كلنا لانه بجد الاب الروحى لمدونى بورسعيد ان مكنش لمدونى مصر كلها

والاستاذ طارق الغنام صاحبة مدونة بورسعيدى فعلا من الشخصيات المحترمة والمثقفة وفعلا تحس انه بورسعيد صميم حتى النخاع عاشق لبورسعيد لدرجة لا يمكن تتخيلها

الاستاذ احمد الجمال صاحب مدونة البمبوطى واضافة انه صحفى فانه شخصية تحمل فكر خاص اقل ما يوصف بانه مميز

الاستاذ محمد الهادى غانم صاحب مدونة يجعله عامر وفعلا شخصية محترمة وعلى درجة عالية من التدين وواضح انه ذو فكر مستنير بالرغم من انه هادى اوى وقليل الكلام واضح انه كان بستكشف الوضع بعتبار انها المرة الاولى ليه لحضور اجتماع المدونين

الاستاذ تامر مبروك صاحب مدونة الحقيقة المصرية وده بقى فعلا شخصية متفتحة وثورية فى نفس الوقت وتحس انه عايز يقدم افكار ومقترحات كتير يحقق بيها الدور الفعلى للمدوننين على الوجه العام ولمدونى بورسعيد بشكل خاص على ارض الواقع كخدمات تطوعية تنقل التدوين من حيز الكتابة لدور اجابى يخدم المجتمع

الاستاذ محمد الشهير( بشيكو) صاحبة مدونة كراكيب شيكو وانا حابة اقوله يا استاذ علشان عارفة انه بيتغاظ جدا من الكلمة دى وشيكو ده اصغرنا سنا لكن ده لا يقلل من انه فعلا انسان مميز تقدر تقول ان عقله واهتماماته سابقة سنه بكتير بالاضافة لخفة دمه المعهودة

كمان حضر محمد صاحب مدونة زحل الفلكى بس لللاسف حضر متاخر ومكنش فى فرصة نقعد معاه

اما بالنسبة للبنانيت الحلوين فكان موجود ايناس(نهر الحب)صاحبة مدونة اوتار والبنت دى فعلا دماغ بدون اى مجاملة منى والله شخصية لاتملك قدمها غير احترامها صورة للبنت الجميلة والمحترمة والمثقفة فى نفس الوقت وطبعا مانساش نسمة اخت ايناس البنت دى زى العسل وباذن الله تعمل مدونة غاية فى الروعة

دكتورة نجلاء صاحبة مدونة جنة شخصية عاقلة ومحترمة وطيبوبة بالاضافة لانها شخصية على قدر عالى من الوعى والثقافة

مى صاحبة مدونة فوكيرة والبنت دى رغم صغر سنها انما هى فعلا شخصية مثقفة وبعيدة الفكر جدا ربنا يحرصها يا رب

الاخت العزيزة المعزوزة داليا محمد صاحبة مدونة اهو ده عيبه ولانها اختى فشهادتى فيها حتبقى مجروحة فعلشان كده انا حكتفى براى الناس فيها وفى كتابتها

واخيرا الفقيرة الى الله انا

وفى الاجتماع تطرقنا لموضوعات كتيرة بس كان اهم الموضوعات اننا اتفقناوكان ده احقاقا للحق اقتراح ايناس حبى والاستاذ احمد الجمال اننا نقوم بحملة لتوعية الشباب من الجنسيين بفكرة الجواز وتبعياته بعيدا عن الفكروالموروثات اللى بترسخ افكار سلبية حلو الزواج وبتنقل تجارب فاشلة وبتعممها كصورة عامة للزواج وده بيأدى الى اعراض كثير من الشباب والفتيات عن فكرة الزواج والحملة دى حيكون ليها مدة محددة فى المدة دى كل المدونات حتكتب عن الجواز فمثلا ممكن المدونيين اللى ربنا كرمهم واتجوزه يكتبوا عن تجربتهم فى الزواج العقبات اللى وجهتهم الخ والمدونيين اللى لسه ما دخلوش دنيا ممكن يكتبوا عن توقعتهم عن الجواز كنظام اجتماعى لبناء اسرة ممكن حد ياخد فكرة الجواز من منظور مادى ويتكلم عن المغالة فى المهور وغيرها او حد يتكلم عنها من منظور نفسى او منظور اجتماعى يعنى المجال حيبقى مفتوح للكل فى انه يتكلم من المنطقة اللى حاببها واللى شغلة تفكيره بس اللى حيجمع كل البوستات دى انها حدور حول عنوان كبير وهو (الجواز)الكلام ده مش خاص بمدونى بورسعيد بس لاالفكرة طرحتها ايناس فى الاجتماع اللى فات فى القاهرة(حملة التبرع بالدم)ولاقى قبول وستحسان وكمان عرضته فى اجتماع مدونى الدقهلية يعنى المجال مفتوح لكل مدونى مصر فى الاشتراك فى الحملة دى وكمان احنا نوين نعمل شعار ولوجوا للحملة وامبارح فى الاجتماع تامر اقتراح ان الشعار يكون(اجمل البيوت) وبابا(ابو خالد)اقترح اننا نخلى الشعار(تخيروا لنطفكم)عموما احنا مرضناش نكتفى بقتراحتنا وقررنا اننا نعمل استفتاء على المدونات لاختيار احسن شعار للحملة وكمان نرحب باى حد حابب يصمم لوجوا للحملة وده من باب ان الحملة دى تخصنا كلنا ما تخصش فئة معينة لانها فعلا حتتكلم عن موضوع حيوى اللى هو الجواز اللى فعلا المشكلات الناتجة عنه زى سوء الاختيار والطلاق مش بتخص اصحابها بس لا بتمتد لاولادهم وللمجتمع ككل فبناء اسرة سليمة يساوى بناء مجتمع سليم

وطبعا مش حنغفل الجانب الدينى فى الحديث حول الموضوع ده لان مفيش اعظم ولااقوم من الوصف القرائنى للزواج(وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ) [الروم: 21].

بلاضافة الى الاحاديث النبوية التى اختصت بالحديث فى هذا الباب وممكن حد يتناول الموضوع من منظور دينى

اما اللى حيتناول الموضوع من منظور اجتماع فله مطلق الحرية فى اختيار الاسلوب اللى يحبه فممكن يكون عن طريق القصة او الاسلوب النثرى أو الشعرىأو الاسلوب الساخر بانه مثلا يوصف العقبات اللى بتواجه اى اتنين مقدمين على مشروع الزواج وخلال اتمام الجواز او بعد الجواز باسلوب ساخر وبعد كده ممكن يحط حلول ومقتراحت هو شا يفها

اللى فات ده كله مجرد امثلا بس لكن المجال مفتوح لابداعاتكم واقتراحتكم بس الاول وخلال الفترة الجاية عايزين نبدا باقتراحتكم عن الشعار واللوجوا وبعد كده نبدا فى الحملة

ارجو انى اكون قدرت اقرب الفكرة ليكم ويا ريت نشوف جهودكم معانا ولاننا باذن الله ناوين فى ضمن الحملة نعمل جروب على الفيس بوك يحمل شعار الحملة وفكرتها او موقع خاص وكمان نوين نعمل ندوات نجيب فيها علماءدين وادعية يتكلموا فى الموضوع ده وفعلا لو قدرنا نغير افكار ومفاهيمللاحسن ولو لحد واحد بس حول موضوع الارتباط والجواز تاكدوا ان احنا نقدر ساعتها نقول اننا نجحنا يالا نفسكم معانا وايد على ايد تساعد وربنا يجعل جهدنا ده فى ميزان حسانتنا

اللهم نسالك أن تتقبل منا هذا العمل خالصا لوجهك الكريم فانت أكرم مسئول وخير مأمول

معلش طولت عليكم سلام دلوقتى من رببببببببببببببببببببببببع ضااااااااااااااااااااااااااااااااااااااااااارب

أن تحب

2008-08-02T10:23:00.008+03:00

أن تحب هو أن تجد أنعكاسا لانسانيتك أن تحمل بداخلك الكون بل أن يتحول قلبك الى كون وأرض وسماء جديدة برحابة ألف كون غير أنه لا يتسع سوى لمن تحب

أن تحب هو أن تشرق الشمس فى عينه وأن يصبح القمر انعكاسا لوجه وأن يكون سخطه ورضاه هو مدك وجزرك

أن تحب هو أن تنحت فى أوصال اللغةحرفا جديدا تبتكر تعريفا للشوق تعريفا ينطق برؤية فريدة للوفاء للتكامل للالتقاء وفق لنظرية الانزواء فى قلب لاينبض الا بك ولايتنفس الا لحتواءك

أن تحب هو أن تنسى حروف اللغة وأن تتوج حروفه اسمه ملوك على عرش لغتك الخاصة وأن تصبح تللك الحروف أكثر قربا ,اكثر دفئا أكثر بريقا

أن تحب هو أن ترى فى تاريخ اختصارا لكل الارقام هو حلا لمعادلة الحياة وأن تشفق على علماء الرياضيات بحسهم الدئوب حول علوم الجبر والمقابلة أن تتسأل فى تعجب لو أنهم أدراكوا ذلك الحل؟

أن تحب هو أن تلتقى روحا تعلمك معنى العطاءوأن تركض بقلبك الى حيث التعريف الحقيقى للانسان ولقيمته كروح واحتياج واندماج واحتواء

أن تحب هو أن تتسال دوما عن معنى أن تحب؟

جيفارا مات

2008-07-24T11:04:00.005+03:00

لا يهمنى متى وأين سأموت، لكن يهمنى ان يبقى الثوار منتصبين، يملأون الارض ضجيجاً، كى لا ينام العالم بكل ثقله فوق أجساد البائسين والفقراء والمظلومين"

"لا يستطيع المرء أن يكون متاكدا من أن هنالك شيئا يعش من أجله الا اذا كان مستعدا للموت فى سبيله"

مش عارفة ليه سر تعلقى الشديد بشخصية جيفارا وهو فعلا من الشخصيات اللى متملكش غير انك تعجب بيها وتاثرك حتى لو اختلفت معاها صورة مجسدة للحرية بمعناها الاوسع مش مرتبطة بوطن ولا انظمة ولا سياسات

وده يمكن يرجع لعوامل شكلت نشاته من البداية وارنساتو دى جيفار اتولد فى1 اغسطس 1928 بوينس أيريس” عاصمة الأرجنتين" في عائلة متيسرة الحال.وبرغم من انتماءه لاسرة غنية لم يتعارض هذا مع احساسه بمعاناة الضعيف والفقير وعرف عنه انه الخجل والجراءة فى نفس الوقت كان ذو روح محبة ومحبوبة على الرغم من مظهره العابث..كان يلتقط أحاسيس الطبيعة ومعاناة الوجوه ليبرزها فى صوره الفوتوغرافية..وكان يعزف الجيتار بأنامل حريرية ..

كان طبيباً تطوع فى الكثير من المهمات الإنسانية والمآسي التى تترك خلفها البسطاء والفقراء بعيون باكية تشكو له الظلم وعدم الفهم..كان صائداً للفراشات ..لكنه أبداً لم يرضى عن صيد النفس البشرية وأسرها وإذلالها فى أرضها ..لم يرضى بالظلم الواقع من القوي على الضعيف لا لسبب سوى أنهم لا يستحقون الحياة لأنهم الأدنى…

لهذا..
اتخذ من العنف سلاحاً.. لأنه أمن ” أن الشعوب المسلحة فقط هي القادرة على صنع مقدراتها واستحقاق الحياة الفضلى ” برغم رقته وشاعريته وضعفه..
وبرغم من اشتراكه مع كاسترو فى الثورة الكوبية الا انهاختلف مع كاسترو على عدم اعتبارهما من المحررين لأنه أمن وردد دائماً “المحررون لا وجود لهم؛ فالشعوب وحدها هي التي تحرر نفسها”

اتخذ من الصدق مبدئ..مع نفسه أولا ثم مع الغير..لهذا ترك الثوار حين مارسوا الوحشية مع نفس الشعوب التى حرروها بالأمس..متناسين إنسانيتهم…غادر كوبا متنازلا عن كل مناصبه وسلطاته مفضلاً أن تبقى ذكرى أيام النضال الحر مع الرفاق فقط فى رأسه بدلاً من الكراهية لهم.

ويمكن دى من المواقف اللى تحسب ليه وتاكد على كونه لم يتخد من فكرة التحرير وسيلة للوصول لاغراض سياسية او مصالح شخصية حيث لم يرتح جيفارا للحياة السياسية فاختفى، ونشرت مقالات كثيرة عن مقتله لكي يرد لعل رده يحدد مكانه لكنه لم يرد.
نشرت وكالة الاستخبارات المركزية الأمريكية شائعات تدعي فيها اختفاء إرنستو تشي جيفارا في ظروف غامضة، ومقتله على يد زميله في

النضال القائد الكوبي فيدل كاسترو، ممااضطر الزعيم الكوبي للكشف عن الغموض الذي اكتنف اختفائه من الجزيرة للشعب الكوبي فأدلى بخطابه الشهير الذي ورد في بعض أجزائه ما يلي:

لدي هنا رسالة كتبت بخط اليد، من الرفيق إرنستو جيفارا يقول فيها: أشعر أني أتممت ما لدي من واجبات تربطني بالثورة الكوبية على أرضها، لهذا أستودعك، وأستودع الرفاق، وأستودع شعبك الذي أصبح شعبي. أتقدم رسميا باستقالتي من قيادة الحزب، ومن منصبي كوزير، ومن رتبة القائد، ومن جنسيتي الكوبية، لم يعد يربطني شيء قانوني بكوبا.
في أكتوبر 1965 أرسل جيفارا رسالة إلى كاسترو تخلى فيها نهائيا عن مسؤولياته في قيادة الحزب، وعن منصبه كوزير، وعن رتبته كقائد، وعن وضعه ككوبي، إلا أنه أعلن عن أن هناك روابط طبيعة أخرى لا يمكن القضاء عليها بالأوراق الرسمية، كما عبر عن حبه العميق لكاسترو ولكوبا، وحنينه لأيام النضال المشترك.
أكدت هذه الرسالة إصراره على عدم العودة إلى كوبا بصفة رسمية، بل كثائر يبحث عن ملاذ آمن بين الحين والآخر

أمن أن التحرر من الظلم ليس مطلب شعب لوحده إنما مطلب كل الشعوب ..لهذا رحل إلى مناصرة قضايا أخرى .. تشيلي، وفيتنام، والجزائر ..وزائير….مردداً ” إنني أحس على وجهي بألم كل صفعة تُوجّه إلى مظلوم في هذه الدنيا، فأينما وجد الظلم فذاك هو وطني

اغتياله
ألقي القبض على اثنين من مراسلي الثوار، فاعترفوا تحت قسوة التعذيب أن جيفارا هو قائد الثوار. فبدأت حينها مطاردة لشخص واحد. بقيت السي أي على رأس جهود الجيش البوليفي طوال الحملة، فانتشر آلاف الجنود لتمشيط المناطق الوعرة بحثا عن أربعين رجلا ضعيفا وجائعا. قسم جيفارا قواته لتسريع تقدمها، ثم أمضوا بعد ذلك أربعة أشهر متفرقين عن بعضهم في الأدغال. إلى جانب ظروف الضعف والعزلة هذه، تعرض جيفارا إلى أزمات ربو حادة، مما ساهم في تسهيل البحث عنه ومطاردته.
في يوم 8اكتوبر 1968 وفي أحد وديان بوليفيا الضيقة هاجمت قوات الجيش البوليفي المكونة من 1500 فرد مجموعة جيفارا المكونة من 16 فرداً، وقد ظل جيفارا ورفاقه يقاتلون 6 ساعات كاملة وهو شيء نادر الحدوث في حرب العصابات في منطقة صخرية وعرة، تجعل حتى الاتصال بينهم شبه مستحيل. وقد استمر "تشي" في القتال حتى بعد موت جميع أفراد المجموعة رغم إصابته بجروح في ساقه إلى أن دُمّرت بندقيته (م-2) وضاع مخزن مسدسه وهو مايفسر وقوعه في الأسر حياً. نُقل "تشي" إلى قرية "لاهيجيرا"، وبقي حياً لمدة 24 ساعة، ورفض أن يتبادل كلمة واحدة مع من أسروه. وفي مدرسة القرية نفذ ضابط الصف "ماريو تيران" تعليمات ضابطيه: "ميجيل أيوروا" و"أندريس سيلنيش" بإطلاق النار على "تشي".
دخل ماريو عليه متردداً فقال له "تشي": أطلق النار، لا تخف؛ إنك ببساطة ستقتل مجرد رجل"، لكنه تراجع، ثم عاد مرة أخرى بعد أن كرر

الضابطان الأوامر له فأخذ يطلق الرصاص من أعلى إلى أسفل تحت الخصر حيث كانت الأوامر واضحة بعدم توجيه النيران إلى القلب أو الرأس حتى تطول فترة احتضاره، إلى أن قام رقيب ثمل بإطلاق رصاصه من مسدسه في الجانب الأيسر فأنهى حياته.
وقد رفضت السلطات البوليفية تسليم جثته لأخيه أو حتى تعريف أحد بمكانه أو بمقبرته حتى لا تكون مزاراً للثوار من كل أنحاء العالم.
وقد شبّت أزمة بعد عملية اغتياله وسميت بأزمة "كلمات جيفارا" أي مذكراته. وقد تم نشر هذه المذكرات بعد اغتياله بخمسة أعوام وصار جيفارا رمزاً من رموز الثوار على الظلم. نشر فليكس رودريجيس، العميل السابق لجهاز المخابرات الأميركية (CIA) عن إعدام تشي جيفارا. وتمثل هذه الصور آخر لحظات حياة هذا الثوري الأرجنتيني قبل إعدامه بالرصاص بـ"لا هيجيرا" في غابة "فالي غراندي" ببوليفيا، في 9 أكتوبر(تشرين الأول) من عام 1967. وتظهر الصور كيفية أسر تشي جيفارا، واستلقائه على الأرض، وعيناه شبه المغلقتان ووجهه المتورم والأرض الملطخة بدمه بعد إعدامه. كما تنهي الصور كل الإشاعات حول مقتل تشي جيفارا أثناء معارك طاحنة مع الجيش البوليفي. وقبيل عدة شهور، كشف السيد فليكس رودريجيس النقاب عن أن أيدي تشي جيفارا بُترت من أجل التعرٌف على بصمات أيديه.

ومات ..مقاتلاً ..مناضلاً حتى النهاية، تاركاً لنا دعوة مفتوحة تصلح لأي زمان ومكان …للنضال ضد أي ظلم …للتحرر من كل ما يقيد تفكيرنا وأفعالنا ….للإيمان بشئ يستحق الموت من أجله.

ومنوهناك الكثير من الشعراء الشيوعيين وغير الشيوعيين رثوا تشي غيفارا ومن أشهرهم الشاعر الشاعر احمد فواد نجم في قصيدة

''جيفارا مات والشاعر العراقي عبد الوهاب البياتى عن موت طائر البحر

واسيبكم مع قصيدة (جيفارا مات)لاحمد فواد نجم

جيفارا مات

آخر خبر فِ الراديوهات

و فِ الكنايس

و الجوامع

و فِ الحواري

و الشوارع

و عَ القهاوي و َ البارات

جيفارا مات

و اتمد حبل الداردشة و التعليقات

********

مات المناضل المثال

يا ميت خسارة عَ الرجال

مات الجدع فوق مدفعه جوّه الغابات

جسّد نضاله بمصرعه

و من سُكات

لا طبالين يفرقعوا و لا اعلانات

********

ما رأيكم دام عزكم

يا انتيكات

يا غرقانين

فِ المأكولات و الملبوسات

يا دفيانين

و مولعين الدفايات

يا محفلطين

يا ملمّعين يا جيمسنات

يا بتوع نضال آخر زمن

ف العوامات

ما رأيكم دام عزّكم

جيفارا مات

لا طنطنة

و لا شنشنة

و لا إعلامات و استعلامات

عيني عليه ساعة القضا

من غير رفاقه تودّعه

يطلع أنينه للفضا

يزعق و لا مين يسمعه

يمكن صرخ من الألم

من لسعة النار فِ الحشا

يمكن ضحك

أو ابتسم

أو ارتعش

أو انتشى

يمكن لفظ آخر نفس كلمة وداع

لَجل الجياع

يمكن وصية للي حاضنين القضية

بالصراع

صور كتير ملو الخيال

و ألف مليون إحتمال

لكن أكيد و لا جدال

جيفارا مات موتة رجال

*******

يا شغالين و محرومين

يا مسلسلين

رجلين و راس

خلاص خلاص

مالكوش خلاص

غير البنادق و الرصاص

دا منطق العصر سعيد

عصر الزنوج و الامريكان

الكلمة للنار و الحديد

و العدل أخرس أو جبان

صرخة جيفارا يا عبيد

في أي موطن أو مكان

ما فيش بديل

ما فبش مناص

يا تجهّزو جيش الخلاص

يا تقولو عَ العالم خلاص

1968

---------------------------------------

ولا عزاء للشعراء

2008-07-10T14:14:00.014+03:00

من كام يوم كده كنت قاعدة مع اختى الصغيرة_واختى دى عبقرية كمبيوتر_عكس العبدة لله ودار بناالحوار ده

اختى: انا قريت قصيدة (كن صديقى) دى حلوة اوى

انا: ايوة

اختى: بس دى مش زى الاغنية اللى غنتها ماجدة الرومى

انا: مهو هما غيروا فيها علشان تنفع تتغنى

اختى: هو مين اللى كاتبها

انا: شاعرة اسمها سعاد الصباح

اختى: ان كنت فاكرة اللى كاتبها امل دنجل

انا: #*#* امل مين يا اختى؟دنجل ليه هو زعيم عصابة وعلى كده بقى بيشتغل معاه مين ابو دومة والمفش اسمه امل دنقل

اختى: اه خلاص ماشى امل دنقل

اختى: عارفة انا مبحبش شعر مين

انا : مين

اختى: الشاعر المصرى ده تقريبا اسمه عبده

انا: عبده مين يا بت انطقى

اختى: مش عارفة متعيقلى اسمه عبده

انا: عبد الرحمن الابنودى

اختى: لا

انا: امال مين

اختى: افتكرت فاروق جودة

انا: لاتعليق سوى لاعزاء للشعراء

انا والله مقصد بالحكاية دى انى استهزاء لاباختى ولا بالشعراء العظماء دول بس انا اكتشافت انى انا كمان جاهلة بيهم وسالت نفسى انا اعرف ايه عن امل دنقل بجد ملقتش انى عارف اكتر من ان اسمه دنقل مش دنجل وقررت انى اقرا عنه لانى فعلا حسيت ان الشعراء والشعر مش اخدين القدر الكافى من اهتمامى واهتمام اغلبية الناس وقررت ابدا بالشاعر (امل دنقل)

وامل دنقل من مواليد مدينة قنا تحديدا فى قرية (القلعة) مركز(قفط)فى عام(1940)ووالده كان عالم من علماء الازهرواطلق عليه اسم امل تيمنا بالنجاح اللى حققه فى عام مولد امل ولتحق امل بكلية الاداب فى القاهرة ولكنه انقطع عن الدراسة فى العام الاول وعمل موظف فى محكمة قنا وبعدها موظف فى جمارك السويس والاسكندرية ثم موظف فى منظمة الافرو اسيوى لكنه كان دائم الفرار من الوظيفة منصرفا الى الشعر

لازمه المرض حيث اصيب بالسرطان فى الاعوام الثلاث الاخيرة من حياته صارع فيها المرض دون ان يتوقف عن كتابة الشعر ليجعل الصراع بين متكافئين (الموت والشعر) كما كتب عنه الشاعراحمد عبد المعاطى حجازى

توفى امل دنقل فى مايو1983فى القاهرة عن عمر يناهز42 عاما تاركا ست مجموعات شعرية:

------------------------------------------

_البكاء بين يدى زرقاء اليمامة بيروت عام1969

_تعليق على ما حدث بيروت عام 1971

_مقتل القمر بيروت عام 1974

_العهد الاتى بيروت عام 1975

_أقوال جديدة عن حرب البسوس القاهرة عام1983

_أوراق الغرفة 8القاهرة عام1983

ولكن اشهر ما عرفه القارى العربى له هو ديوانه الاول(البكاء بين يدى زرقاء اليمامة1969)والذى جسد فيه مشاعر الانسان العربى بنكسه

1967

وكتب عنه كثيرين منهم(رفعت سلام-محمود أمين العالم-جابر عصفور-حلمى سالم-احمد فضل شبلول-يحيى الطاهر عبد الله-عبد المنعم رمضان-محمد الراوىواخرون)

واسيبكم مع قصيدة البكاء بين يدى زرقاء اليمامة

أيتها العرافة المقدَّسةْ ..

جئتُ إليك .. مثخناً بالطعنات والدماءْ

أزحف في معاطف القتلى، وفوق الجثث المكدّسة

منكسر السيف، مغبَّر الجبين والأعضاءْ.

أسأل يا زرقاءْ ..

عن فمكِ الياقوتِ عن، نبوءة العذراء

عن ساعدي المقطوع.. وهو ما يزال ممسكاً بالراية المنكَّسة

عن صور الأطفال في الخوذات.. ملقاةً على الصحراء

عن جاريَ الذي يَهُمُّ بارتشاف الماء..

فيثقب الرصاصُ رأسَه .. في لحظة الملامسة !

عن الفم المحشوِّ بالرمال والدماء !!

أسأل يا زرقاء ..

عن وقفتي العزلاء بين السيف .. والجدارْ !

عن صرخة المرأة بين السَّبي. والفرارْ ؟

كيف حملتُ العار.. ثم مشيتُ ؟

دون أن أقتل نفسي ؟ ! دون أن أنهار ؟ !

ودون أن يسقط لحمي .. من غبار التربة المدنسة ؟ !

تكلَّمي أيتها النبية المقدسة

تكلمي .. باللهِ .. باللعنةِ .. بالشيطانْ

لا تغمضي عينيكِ، فالجرذان ..

تلعقَ من دمي حساءَها .. ولا أردُّها !

تكلمي ... لشدَّ ما أنا مُهان

لا اللَّيل يُخفي عورتي .. ولا الجدران !

ولا اختبائي في الصحيفة التي أشدُّها ..

ولا احتمائي في سحائب الدخان !

.. تقفز حولي طفلةٌ واسعةُ العينين .. عذبةُ المشاكسة

( - كان يَقُصُّ عنك يا صغيرتي .. ونحن في الخنادْق

فنفتح الأزرار في ستراتنا .. ونسند البنادقْ

وحين مات عَطَشاً في الصحراء المشمسة ..

رطَّب باسمك الشفاه اليابسة ..

وارتخت العينان !)

فأين أخفي وجهيَ المتَّهمَ المدان ؟

والضحكةُ الطروب : ضحكته..

والوجهُ .. والغمازتانْ ! ؟

* * *

أيتها النبية المقدسة ..

لا تسكتي .. فقد سَكَتُّ سَنَةً فَسَنَةً ..

لكي أنال فضلة الأمانْ

قيل ليَ "اخرسْ .."

فخرستُ .. وعميت .. وائتممتُ بالخصيان !

ظللتُ في عبيد ( عبسِ ) أحرس القطعان

أجتزُّ صوفَها ..

أردُّ نوقها ..

أنام في حظائر النسيان

طعاميَ : الكسرةُ .. والماءُ .. وبعض الثمرات اليابسة.

وها أنا في ساعة الطعانْ

ساعةَ أن تخاذل الكماةُ .. والرماةُ .. والفرسانْ

دُعيت للميدان !

أنا الذي ما ذقتُ لحمَ الضأن ..

أنا الذي لا حولَ لي أو شأن ..

أنا الذي أقصيت عن مجالس الفتيان ،

أدعى إلى الموت .. ولم أدع إلى المجالسة !!

تكلمي أيتها النبية المقدسة

تكلمي .. تكلمي ..

فها أنا على التراب سائلً دمي

وهو ظمئً .. يطلب المزيدا .

أسائل الصمتَ الذي يخنقني :

. " ما للجمال مشيُها وئيدا .. ؟! "

أجندلاً يحملن أم حديدا .. ؟!"

فمن تُرى يصدُقْني ؟

أسائل الركَّع والسجودا

أسائل القيودا :

" ما للجمال مشيُها وئيدا .. ؟! "

أيتها العَّرافة المقدسة ..

ماذا تفيد الكلمات البائسة ؟

قلتِ لهم ما قلتِ عن قوافل الغبارْ ..

فاتهموا عينيكِ، يا زرقاء، بالبوار !

قلتِ لهم ما قلتِ عن مسيرة الأشجار ..

فاستضحكوا من وهمكِ الثرثار !

وحين فُوجئوا بحدِّ السيف : قايضوا بنا ..

والتمسوا النجاةَ والفرار !

ونحن جرحى القلبِ ،

جرحى الروحِ والفم .

لم يبق إلا الموتُ ..

والحطامُ ..

والدمارْ ..

وصبيةٌ مشرّدون يعبرون آخرَ الأنهارْ

ونسوةٌ يسقن في سلاسل الأسرِ،

وفي ثياب العارْ

مطأطئات الرأس.. لا يملكن إلا الصرخات الناعسة !

ها أنت يا زرقاءْ

وحيدةٌ ... عمياءْ !

وما تزال أغنياتُ الحبِّ .. والأضواءْ

والعرباتُ الفارهاتُ .. والأزياءْ !

فأين أخفي وجهيَ المُشَوَّها

كي لا أعكِّر الصفاء .. الأبله.. المموَّها.

في أعين الرجال والنساءْ !؟

وأنت يا زرقاء ..

وحيدة .. عمياء !

سلالالالالالالالالالالالالالالالالالالالالالالالالام من ربع ضااااااااااااااااااااااااااااااااااااااااااااااااااااااااااااااااااااااااارب

ظهور التشيع فى التاريخ الاسلامى

2008-07-05T11:25:00.010+03:00

من مدة كده استهوانى انى اقرا عن التشيع وازاى بدا

شوفوا موضوع التشيع بدا بعد وفاة الرسول (عليه الصلاة والسلام)لما اجتمع الصحابة فى سقيفة بنى ساعدة واتغيب عن اجتماعهم بنى هاشم ممتلين فى العباس بن ابى طالب وسيدنا على وده لانهم كانوابيجهزوا الرسول للدفن وانتهى اجتماع الصحابة باختيار سيدنا ابو بكر الصديق كخليفة للرسول الله وبعد اجتماع السقبفة بدا مجموعة من الصحابة تعترض على اختيار ابوبكر كخليفة ومنهم(ابوذر الغفارى_المقداد بن عمرو_ الزبير بن العوام_طلحة بن عبيد الله)وشافوا ان سيدناعلى احق بالخلافة الا انهم ارتضوا فى النهاية بخلافة ابو بكر لكن الموضوع اتفاقم فى عهد خلافة سيدنا(عثمان ابن عفان)حيث ادت بعض السيسات اللى قام بها بعض عماله والولاه فى عهده فى الشام ومصرلسخط الناس وخروج الثائرين عليه وبداوا يطلبوا بالخلافة لسيدنا علىومنهم(مالك الاشتر_محمد بن ابى بكر)وكرد فعل ظهر برضوا شيعة لسيدنا عثمان كان على راسهم(معاوية بن ابى سفيان_السيدة عائشة زوجة الرسول)الا انه فى النهاية قتل سيدنا عثمان على يد احد الثائرين وكان نتيجة لمقتله معركة الجمل بقيادة طلحة بن عبيد الله_وعبد الله بن الزبير)للاقتصاص من قاتليه وسميت باسم معركة الجمل نسبة لحضور السيدة عائشة المعركة وهى محمولة على هودج فوق الجمل وكذلك معركة صفين بين جيش معاوية بن سفيان وجيش على بن ابى طالب واعقب تلك الحرب حادثة التحكيم الشهيرة وفيه طالبوا جنود معاوية بتحكيم للقراءن ووافق سيدنا على وكان حكم سيدنا على فيها ابو موسى الاشعرى اما حكم معاوية بن ابى سفيان فكان عمرو بن العاص وايضاكان نتيجة لذلك ظهور الخوارج وقتلهم فى النهاية سيدنا( على)على يد بن ملجم

ويرجع الشيعة احقية سيدنا على فى الخلافة ومن بعده نسله الى النبى صلى الله عليه وسلم مستشهدين بحديث( يوم غدير خم)(من كنت مولاه فعلى مولاه)و حديث الثقلين(انى تارك فيكم كتاب الله وعترتى كتاب الله حبل ممدود من السماء الى الارض وعترتى اهل بيتى ان اللطيف الخبيراخبرنى انهم لن يفترقا حتى يردا على الحوض فانظرونى بما تخلفونى فيهما)ويرى اهل السنة بصحة الحديث ولكنهم يروا بان المقصود باهل بيت النبى هم من حرموا الصدقة بعده وهم(ال على وعقيل وجعفرو العباس)بينما يرى الشيعة بان هذا الحديث دليل على امامة اهل البيت ووجوب طاعتهم كما يرى البعض التشيع بانه حركة سياسية بداءها على بن ابى طالب بينما يرى اخرون انها حركة دخيلة صنعها عبد الله بن سبا اليهودى وانه اول من اشعل الفتنة بين الصحابة واول من زرع بذرة التشيع حتى انه شهد بان امامة على فرض من الله عز وجل بينما يرى اخرون بان التشيع حركة شعوبية فارسية وينكر الشيعة ذلك متشهدين بتشيع اهل مصر والعراق فى عهد الدولة الفاطميةوكذلك بذكر المصادر التاريخية بان الامام الثامن لطائفة الاثنى عشر(على الرضا) دفن فى الغربة حيث دفن فى بلاد فارس التى لم يكن بها انصار لعلى بنابى طالب فى ذلك الوقت

معلش انا طولت عليكم بس المرة الجاية ان شاء الله حنتكلم عن حادثة كربلاء وعن انقسام طوائف الشيعة واسباب انقسامها

سلالالالالالالالالالالالالالالالالالالالالالالالالام من ربع ضاااااااااااااااااااااااااااااااااااارب

عدت ايهاالشقى

2008-06-30T12:08:00.006+03:00

كلكم عرفين اغنية يونيك الدف_اقصد فريد الاطرش(عدت يا يوم مولدى عدت ايها الشقى) وانا هنا مش قصدى الشقى اللى جايه من الشقاء والعذاب

لا انا اقصد انت رجعت ليه يا خلبوص انت انا مش كنت حلفة عليك يمين تلاتة انك ما ترجعش تانى وما شفش خلقتك انت ايه بارد ماعندكش دم

هو انا مش كنت متخنقة معاك السنة الى فاتت خناقة لرب السما واتفقنا لاتجيلى ولا ارحلك انت ليه رجعت فى كلامك صحيح انك عيل غور

من هنا ياض ومتورنيش خلقتك العكره دى تانى

اللى فات ده انا وانا بتخانق مع عيد ميلادى

امبارح عقبال عندكم كملت 27 سنة بالتمام والكمال ورغم كده من جوايا مش حسة انى وصلت للعمر ده وكلما حد يقولى كل سنة وانت طيبة

احس انى فى غبيوبة وباذن الله حصحى منها

يا هو الايام بتجرى بسرعة بالواحد كده ليه والمشكلة بقى عندى انى من جوه مكملتش5 سنين على بعض

لسه حاسة انى عيلة صغيرة ومش عرفة اتأقلم مع العمر اللى انا فيه مش لانى بخاف اكبر لاابدا انا عارفة ان دى سنة الحياة بس

حاسة ان عمر الانسان هو عمره اللى حسه مش الموجود فى شهادة ميلاده او بطاقته يعنى ممكن يكون شاب صغير ويحس بانه عنده100

سنة وممكن واحد عده 60 وتحس معاه انك مع شاب لسه بحيويته ونشاطه وديه بتبقى نعمة من ربنا ان الواحد ميعجزش من جواه علشان

بتكون حاجة مؤلمة وخصوصا لما اللى يحصله كده شاب لسه فى بداية حياته والحياة لسه قدامه

عموماعيشوا ونبسطوا الدنيا مش عايزة اللى يقفش ويزود همومه وكفاية الهموم الموجودة فيها خلقة

سلام من ربع ضارب

ليه ربع ضارب

2008-06-30T11:06:00.008+03:00

انا ليه عملت مدونة؟

بصم بقى انا اول ما اتعرفت على موضوع المدونات بدات الحكاية على اساس انى اقرا فى حاجة مختلفة بس مع الوقت لقيت نفسى من جوايا

برتبط بمدونات بعينهاواتاثر بيها اد ايه بكيت لما قريت يوميات عيل مصرى وخصوصا موضوع عم محمد واد ايه حبيت يا سوسو

المفقوع مرارتهاودعيت ربنا يقدرها على فيفى ويهديها عليها وكام مرة اتمنيت اركب عجلة فرنسا بس يا ترى ترضى تدينى لفة وحبيت

نصايح ياسمين _البنت دى دماغ_ حبيت شعر اخف دم وخصوصا قصيدة حقى وحقك وعجبنى جدا شعر واحد من الناس دى حبيت فاتيما

_ربنا يرد ليها ابنها_عشقت خفة دم بنت خيخة_ولا خيخة ولاحاجة دى بمليون راجل_عرفت مع كل الناس دى يعنى ايه تحب حد وتحس

بيه مع انك عمرك ما شفته قبل كده ويمكن ما تشوفوش ابدا وده يمكن علشان عشت معاهم فى احلامهم واحزانهم حتى فى تهيستهم يمكن

علشان كده عملت مدونة اكتب فيها اللى بحسه واحس اللى بكتبه_على راى هنيدى_

اما ليه سمتها ربع ضارب يمكن لان ناس كتير قالتلى انت عندك ربع ضارب فى دماغك وعمرى ما اعتبرتها شتومة خالص بالعكس

انا باعتبرها استراتيجيتى فى الحياة انى اضحى بربع علشان التلات تربع التانين ولما الكهربا تزيد اخليه يلسع برحته

فلو لقتونى فى يوم بهيس متقلقوش ده مش منى ده من الربع الضارب

انا مين

2008-06-29T11:16:00.005+03:00

رغم انى طول عمرى بكره اللعبة البايخة دى اللى يجى الواحد من وراك وتكون لمحه ويحط ايده على عينك ويقولك بمنتهىالصفاقة_حلوة الصفاقة دى_انا مين ويكون هاين عليك تفتح اقرب شباك ليك وتحدفه منه يمكن يوقع على دماغه وترجعه الذاكرة ويعرف هو مين وساعتها تكسب فيه ثواب

رغم كرهى للعبة دى لكن انا بردواحكون غلسة المرة دى وحلعبها معاكم

اللى دخل مدونة الاخت العزيزة المعزوزة داليا محمد اختى(اهوا ده عيبه)واره موضوع الانسة عند الدكتور ايوة برافو عليكم ايوة انا الانسةالمذكورة

شوفتوا اد ايه صورتى تجنن _زى القمر والنبى يا بنتى_شوفتونى واناعين فوق وعين تحت وليا ست صوابع فى ايدى اجنن والله العظيم

المهم انا اقولكم المرة الجاية انا ليه عملت مدونة وليه سمتها ربع ضارب استنونى

سلام من ربع ضارب